“Мы і дым цыгарэты”
Пад такой назвай у 9-м класе прайшла класная гадзіна ў рамках міжведамаснай раённай прафілактычнай акцыі “Сябруем з Законам”. Вучні ўспомнілі вядомае ім аб шкодзе курэння, даведаліся шмат новага. Для прафілактыкі курэння вельмі важна ўсведамляць, якім чынам не стаць ахвярай залежнасці.
Дзевяцікласнікі прапанавалі свае шляхі карыснага баўлення вольнага часу. Вучні прыйшлі да вываду: самы лепшы спосаб не стаць курцом – наогул не пачынаць курыць. Адмова ад курэння зберажэ не толькі здароўе, але і жыццё, бо вельмі часта курэнне становіцца прычынай дамашніх пажараў .